Tira su ul co fijoeu,
desmet
de guardà in tera,
a tan dupraà
par una vita intera,
a t’han fa pianc, suda’
t’han mandà in guera,
t’han fa murì
de suta una bandera,
la fudes bianca
rusa od anca nera
par una storia
che l’era minga vera.
T’han robaà i to vecc
i to fijoeu i to ann
mo che te ghe bisogn
pu nanca un cann
al sa regorda
de tutt quel che t’è faa,
a t’han sturgiuu
e poeu’ desmentegaà.
Tira su ul co fijoeu
e slarga i oeuch,
sbasa la man
e netas i genoeuch
e guarda innanz
e camina in su la tera
la tera che l’è tua,
senza andà in guera.
Mo driza i spal
e camina in da la vida
senza dag tra
a chi dis che le finida,
senza sculta ul vusà
di chi al cred
de ves l’unic
depositari d’una fed.
Tira su ul co fijoeu
che urmai l’è l’ura
tira su ul co
senza pu vech pagura
te set un omm
mo vif la tua aventura
e regorda sempar
che ti, te se un quei v’un
perchè i grand’omm,
senza de ti in nisun.
ref
Tira su ul co’ – dialettaleultima modifica: 2010-10-11T11:30:00+02:00da
Reposta per primo quest’articolo